As reported by BBC pigin
Peter Nwachukwu: Osinachi husband family give statement concerning gospel singer death In-laws of late gospel singer Osinachi Nwachukwu don comment about di death of dia sister-in-law. Richard Okekenwa, older broda to Osinachi husband, Peter Nwachukwu, say im neva cari eye see or speak to di gentleman for 20 years.
“Im no dey call me. I no get anytin to do wit am.” Okekenwa say Peter Nwachukwu real name na Peter Echijekwu Okekenwa. Im say wen papa wey born Peter die, Peter no go home for burial, even wen im wife papa die. ‘Peter tell my pikin say if she no go home alive, she go go in death’ – Osinachi mama Okekenwa say di day im hear news of Osinachi Nwachukwu death na for middle of night im children call am tell am.
Im say im cry for Osinachi death but no be for im borda. Until now, Okekenwa say Peter neva call am to tell am say im wife Osinachi don die. 42-year-old gospel singer, Osinachi die on di 8 of April, 2022 and since her death, Nigeria police don arrest her husband Peter Nwachukwu.
Di police say dem make di arrest afta brother of di late singer, file report to di police. Wetin Richard Okekenwa wife tok? Richard Okekenwa wife, wey be Osinachi co-wife, say di last time wey she see Peter Nwachukwu na di time wey im marry. She say di day wey she call Osinachi for phone, she and her husband bin dey togeda so Osinachi bin no fit tok well.
Since dem marry Osinachi, na she her co-wife go register her for meeting of co-wives. She say, afta more dan 15 years of marrying Osinachi, she neva take eye see her.
Source: RECHABITES Media